сабота, 23 мај 2009

СВЕЧЕНА АКАДЕМИЈА



















Вечерва во домот на АРМ, со почеток во 20.00 часот, се одржа свечена академија по повод Денот на сесловенските просветители- 24 Мај, на која со свои точки се претставија учениците од основните училишта: „ Видое Подгорец“, „ Никола Вапцаров“, „ Сандо Масев“, „ Маршал Тито“,(сите од Струмица), како и моите ученици од „ Даме Груев“- Куклиш. На сцената можеа да се видат оркестрите и хоровите од основните училишта, под раководство на наставниците по музичко воспитување; прозвучи македонскиот збор преку песна, рецитација и драмска игра. Морам да им честитам на моите ученици од Куклиш за сериозниот пристап кон пиесата и за нивната актерска игра. Се надминаа себе си, а мене ми го обелија образот...добија громогласен аплауз, на кој веројатно долго ќе се сеќаваат.

четврток, 21 мај 2009

Матурска вечер









Никогаш не ја запознав среќата или возбудата на матурантот... Кога бевме полуматуранти, за прв пат, место ноќе, бевме на полуматурски ручек во Банско, во хотелот на пензионерите. Беше тоа една стара трошна зграда, а гужва правеше еден грамофон, на кој стававме кибрит да не пресокнува... Кога бев матурант, умре маршалот (Јосип Броз). Место матурска вечер, се отиде на аџилак за Белград, на поклонение на „светиот гроб“. Јас не бев...потоа се каев, ама не бев. Од принцип, што ми беше познат само мене.
Вечерва Верица (ќерка ми) беше матурантка...беше многу убава, а во нејзиното држење имаше нешто аристократско ... вродено. Нешто што не се учи, туку или се има или се нема.
Дојдоа четворица нејзини другари...еден бил партнерот, а другите придружници. Се едно... сите беа млади и убави. Нека им е со среќа...

вторник, 19 мај 2009

19. мај панорама на Струмица











Денес со другар ми пешачевме од Ловен Дом до водопадот пред св. Илија. На тргнување беше облачно, а беа најавени и врнежи...но ништо од тоа. Времето беше убаво, по патеката среќававме луѓе од сите возрасти и од двата пола кои трчаа или едноставно пешачеа. Видовме и змија, ШАРКА, но кога посакав да ја сликам, ми снема батерија... Наравоучение - секогаш имај при рака полни батерии.

понеделник, 18 мај 2009

Macedonians in Aegean Macedonia

This video is recorded in Northern Greece or Aegean macedonia, it talks about the Macedonians there. According to them its estimated that there are 250 000 Macedonian Speaking people and lots more who do not know the language. There are greeks who accept this fact and support them but there are greeks who do not.
This video has been uploaded to inspire the Aegean macedonians to teach their kids Macedonian, for the Macedonians in Vardar Macedonia that had doubts about the existence of Aegean Macedonians, and for the Greeks, not to offend them but to make them accept it and realise.
We are all human after all. We share the same religion-Christianity!
This video is recorded mostly in Kostur, Lerin, Voden.
Support for all Macedonians.
www.macbro.org