МУЗИЧКИ КАРВАН НА УНИВЕРЗИТЕТОТ „ГОЦЕ ДЕЛЧЕВ“

Студентите од Музичката академија од Универзитетот „ Гоце Делчев“ - Штип, синоќа низ музички хепенинг ги промовираа студиските групи, на кои ќе можат да се запишат идните студенти во Струмица. Од оваа студиска година, новина е Педагошкиот факултет. Првиот уписен рок започнува на 17. 08, а ќе трае три дена, (заклучно со 19. 08. 2009 г.).

ИЗЛОЖБА

Во фоајето на центарот за култура АНТОН ПАНОВ во тек е изложбата на сликите на Хајруш Фазлиу, со чие отварање се означи и почетокот на 46. Меѓународна ликовна колонија во Струмица. За оние што не се во состојба да ја посетат, еве дел од неговите платна.

46. МЕЃУНАРОДНА СТРУМИЧКА ЛИКОВНА КОЛОНИЈА

Деновиве отпочна со работа 46. Меѓународна струмичка ликовна колонија. Во текот на наредните дваесетина дена, богатата колекција на колонијата, со свои дела ќе ја збогатат дваесетина сликари од седум земји и од Македонија. Учесници на годинашнава колонија се:
БАЈРАМ ГАЗАНФЕР - Македонија
БЕРНАНДОНИ ЛАУРЕ - Италија
БОЖАРОВА НАТАША - Македонија
БЛОХЕР АНИТА - Германија
ГЛИСОВИЌ ЛИЉИЦА - Србија
ИВАНОВ АЛЕКСАНДАР - Македонија
ЈАКИМОВСКИ ЖАРКО (нема податок од каде е)
НАНЕВСКИ НИКОЛА -Македонија
ПАРАНОВИЌ МИЛАН - Србија
РОСИ ВАЛЕНТИНА - Италија
СЕВЕРУХИН ЕВГЕНИЈ - Русија
ТОМОВСКИ ЃОРЃИ -Македонија
ФАЗЛИУ ХАЈРУШ - Косово
ФИЛИПОВСКА СИМОНИДА - Македонија
ФИЛЕВ АЛЕКСАНДАР - Македонија
ХАЈРО ЈАКУПИ - Турција
ХАЏИЕВА КРИСТИНА - Македонија
ЧУЧУЛИГОВ ПЕТАР - Бугарија
ЃОРЃИЕВА- ЈАКОВЛЕВА ЛОРЕТА - Македонија

Љубителите на уметноста од Струмица, делата од оваа колонија ќе можат да ги видат на изложбата, што свечено ќе биде отворена на 11. Септември, Денот на ослободувањето на Струмица, а оние најзапалените, тоа можат да го прават секој ден и да се дружат со уметниците, кои своите дела ги создаваат во просториите на Домот на културата - Благој Јанков - Мучето во Струмица.