Eсенска прошетка

Денес, 21. 09. 2010 год. за празникот Мала Богородица, кој се поклопува и со првиот ден на есента, ја реализиравме планираната еднодневна есенска прошетка, со учениците од петто до осмо одделение во Костурино. Веќе стана традиција, прошетките да ги изведуваме до месноста Селска Корија, во близина на селското игралиште. Времето не ни беше најнаклонето... есента ги покажа забите уште првиот ден.

Беше ветровито и облачно време и со ништо овој ден не заличуваше на претходниот, последен ден од летото.

Девојчињата беа испоседнале под дабовите дрвја, а некои од нив играа и фудбал.

Најдобро организирани беа машките од осмо одделение. Си купиле ќебапчиња и колбаси, донеле скари, запалија оган, но се мачеа околу местењето на скарата.

А Гиро од шесто и неговиот другар си гледаа сеир...

Некои, како „мој“ Лазо, се возеа со своите велосипеди...

 За да не ни „биде нешто“ кога скарата ќе биде готова, си тргнавме...

 Костурино се беше стуткало на ветрот...