Со учениците од петто до осмо одделение од ООУ„ Даме Груев“ од Куклиш и Костурино, на 14. 04. 2009. год. ја реализиравме екскурзијата до Скопје со посета на Саемот на книгата,
откако претходно на тендерот беше одбрана најдобрата понуда (на АТЛАНТИС- 650 ден. за пат, ручек, платени влезници во Саемот и Стоби) и добивме согласност од родителите.
Одговорноста за педесет и еден ученик ни беше доверена нам, на наставниците по македонски јазик, Лазар Партиков и Светлана Џолева, како најкомпетентни кога се во прашање книгите.
Цел ден времето беше дождливо и тмурно, што може да се види и од сликите, што беше главна причина да не го разгледаме локалитетот Стоби, туку само да одмориме и да се напиеме кафе. Отпаднаа и прошетките на отворено (до крстот на Водно , Зоолошката градина и Кале), па моравме да се задоволиме со посета на затворени објекти како што е Рамстор и Спомен домот на Мајка Тереза. Инаку на Саемот се чувствував бедно, зашто немав доволно пари да ги купам сите оние книги, што го привлекуваа моето внимание. Таму се видов со некои драги личности со кои се познавам од блогерајот и жалам што немав повеќе време за муабетење.
Ручавме „Кај Злате“, а потоа следеше прошетка по Рамстор, куќата на Мајка Тереза (не беше дома), пиење кафе и назад кон дома.
Пофалби за организаторот- Туристичката агенција Атлантис, за беспрекорната организација, за професионалниот однос на возачот на „Струмица експрес“, а најмногу за децата, кои беа прекрасни.
среда, 15 април 2009 г.
вторник, 14 април 2009 г.
четврток, 9 април 2009 г.
петок, 3 април 2009 г.
„ПОСЛЕДНИОТ ДЕН НА МИСИРКОВ“
Денес,(3.4.2009), на малата сцена во Домот на културата во Струмица, со учениците од петто до осмо одд. од Костурино, ја гледавме претставата „ Последниот ден на Мисирков“, текст на Јордан Плевнеш, а во режија на Дејан Пројковски.
Иако претставата беше тешка за следење, моите ученици ја следеа со најголемо внимание, за што по завршувањето на претставата беа и пофалени од страна на актерот Бранко Бенинов. Се надевам дека децата, од оваа претстава, научија многу повеќе за животот и големината на овој наш великан, отколку она што им се нуди на часовите по македонски јазик,( и јас не знаев дека зборувал 26 јазици и единствен Македонец кој го знаел и санскритот).
Претплати се на:
Објави (Atom)